ركن الأسئلة و المناقشات

عضو المساهمات : 53 تاريخ التسجيل : 04/03/2009

هنا هتلاقي الإجابة علي أي سؤال ممكن يكون صعب وطول مازيزو معاك ارمي الهم ورا ظهرك

الله عليك يا استاذ عبد العزيز هو دة الشغل cheers

المساهمات : 43 تاريخ التسجيل : 03/03/2009 العمر : 33

هى فين الاسئلة يا مستر زيزو

ياعيني على الكلام الكبير
الله ينور يا زيزووووووو

هوة ده االكلام

عضو المساهمات : 53 تاريخ التسجيل : 04/03/2009

انتو بقي فيم أسئلتكم ؟

عاوزين نعرف الفرق بين النطق في اللغة
البريطانية - والانجليزية
في مصر الطلبة بتتعامل ازاى
وهل دة في منهجهم
وكمان يا ريت معلومات عن الفوناتكس
ومكشووووووووووووور سيادتكم

عضو المساهمات : 53 تاريخ التسجيل : 04/03/2009

[b]سؤالك جميل أوي يا أستاذ حاتم وياريت لو الناس كلها تشوف اجابتي عشان السؤال دة مهم جدا:

(اسمحولي أكتب لغة عامية عشان الكل يفهم)

1- الفرق بين American English و British English.
* British English : البريطانية دي اللغة اللي بيستخدمها الإنجليز في المملكة المتحدة ( إنجلترا - بريطانيا )

* American English : الأمريكية دي اللغة اللي بيستخدمها الأمريكيون في الولايات المتحدة ( أمريكا )

بصوا يا ناس البريطانية هي الأصل وهثبتلكم حالا:

- انتشرت اللغة الإنجليزية في الأمريكتين ( الشمالية والجنوبية ) بسبب الإستعمار البريطاني في أوائل القرن الـ 17. وانتشرت اللغة لعدد كبير اوي من البلاد بسبب التجارة والإستعمار البريطاني او الأولي بقي نسميه "الإنجليزي" وكمان انتشرت في بلاد كتيرة كانت موجودة في الإمبراطورية البريطانية لدرجة ان اكتر من ربع العالم كان بيتكلم انجليزي في الوقت دة ودة برضة راجع للأستعمار كان في حتة كبيرة من الأرض " الأمريكتين".

ايه بقي اللي حصل بعد كدة:

- في ال 300 سنة الأخيرة ابتدا شكل اللغة اللي موجود في المملكة المتحدة والجزر البريطانية يختلف عن الشكل اللي موجود في الولايات المتحدة وده حصل من تعدد اللهجات " زي عندنا في مصر عندنا صعيدي واللغة العامية مثلا" وكان الإختلاف في حاجات كتير زي الجرامر واللغويات"الكلمات" والأرقام والنطق.....إلخ. وبان اوي الكلام دة سنة 1828م لما اتعمل اول قاموس أمريكي علي ايد واحد اسمه "Noah Webster" والغريب بقي انه مكانش كاتب القاموس عشان يعلم الناس لا كان كاتبة عشان يقول للعالم ان الأمريكي اختلف عن الإنجليزي ودي فعلا كانت نيته. وفيه حاجة حصلت عرفتها اثناء الدراسة بالكلية انا عمري ما هنساها الإنقسام دة خلي الناقد والكاتب المشهور "Bernard Shaw" يقول " أن الولايات المتحدة والمملكة المتحدة هما البلدان المقسومتان علي لغة مشتركة".

دي قصة ازاي بقي فيه اتنين من نفس اللغة وهكمل بقيت اللي انت عايزة
بس الإنسان لازم ينام دلوقتي الساعة 4.40ص
وعلي فكرة بجد أنا بشكرك علي الموضوع دة عشان انت نشطلي الذاكرة من تاني
وانا تحت أمر سيادتكم في أي شئ

وطول ما Mr. Zizo معاك......ارمي اللهم ورا ظهرك

[/b]

هو دة الشغل يا مستر

هايل يا مستر والله والواحد استفاد بالفعل
وان كنا عاوزين تمدنا بباقي الموضوع وقريب
بس فيه سؤال ؟؟؟؟؟
هو الموضوع وانقساماته كان مقصور عل رأي العالمين
نوح ويبستر & بيرنارد شو
ولا كان فيه من علماء اللغة كان ليهم راي آخر في موضوع غزو اللغة ان صح التعبير ؟

سؤاااااااااااال تاني ؟؟

لوعند واحد مشكلة مع الفوناتكس يعني كويس في الانجليزي بس نطقه للكلمات صعب شوية و لو هو في انتر فيو بيتلخم
انا عن نفسي اعرف واحد تاني يحاول يظبط نفسه في النطق وكده عن طريق قاموس اسمه كامبريدج ادفينسد
القاموس ده بينطق انجليزي وامريكاني ويبقى بكدة الموضوع دة له صلة بنفس الموضوع السابق اللي عرضته على سيادتكم
واللي اعرفه انه بيديله شرح لكل كلمة ممتاز جدا وتركيب جمل وحاجات كتيرة رهيبة

وسؤالي :: ؟؟؟؟؟؟؟؟؟؟؟؟ هل القاموس ده بيعرف الرموز بتاعة النطق كمان
يعني هل بيجيب الرمز وينطقه ويجيب كلمات كامثله عليه والا لا:؟
و لو فعلا عندك القاموس ده ممكن ترفعه او تديني اللينك بتاعه لتعم الفائدة
وجزاك الله عني وعني زملائي خيرا ان شاء الله

منتظر رد سيادتكم على هذا الموضوع في القريب العاجل
,,,,,,,,,,,,,,,, وشكرا

عضو المساهمات : 53 تاريخ التسجيل : 04/03/2009

بالنسبة للشق الأول من السؤال بيقول:
هو الموضوع وانقساماته كان مقصور عل رأي العالمين
نوح ويبستر & بيرنارد شو
ولا كان فيه من علماء اللغة كان ليهم راي آخر في موضوع غزو اللغة ان صح التعبير ؟

* فيه علماء كتير جداً اتكلموا في الموضوع دة -لو اتكلمنا عنهم كلهم هناخد وقت وصفحات كتيير- لكن كلهم تقريبا كانوا بيتكلموا عن الفروقات اللي موجوده في اللغتين في نفس النقاط من أشهر العلماء والأدباء والمفكرين Noah Webster و Bernard Shaw و قلت لك هما اتكلموا في ايه........ في بقي كمان Oscar Wilde الكاتب الإنجليزي المشهور اللي كتب وقال " لدينا كل شئ مشترك مع أمريكا في هذا الوقت إلا بالطبع اللغة " ودي برضه مقولة بينت لنا ان في فروقات كتيير......في كمان Henry Sweet اللي تنبأ في عام 1877م وقال أن " الأمريكية والبريطانية في خلال قرن سوف يكونون غير مفهومين بشكل متبادل" ودة برضه بيدل علي الفروقات أو برضه ممكن نقول التناقض والتناقض دة بقي يبان لما أجاوب وأحطلك الفروقات اللغوية والنحوية اللي موجودة في اللغتين.....تمام كدة دة الجزء الأول من سؤالك....

الشق الثاني من السؤال بيقول:

؟؟؟؟؟؟؟؟؟؟؟؟ هل القاموس ده بيعرف الرموز بتاعة النطق كمان
يعني هل بيجيب الرمز وينطقه ويجيب كلمات كامثله عليه والا لا:؟[/size]

* بص يا باشا كل اللغات معتمدة في تعليمها علي السمع يعني الصوت يعني لازم اسمع كويس عشان اتعلم وأنا من وجهة نظري المتواضعة جدا ان لو الإنسان مسك 100 كتاب عشان يتعلم لغة من غير ما يسمع عمرة ما هيتعلم اللغة صح واللي يأيد كلامي ان ( السمع أهم من أي شئ تاني ) إن الرسول عليه الصلاة والسلام اتعلم اللغة بالسمع ومكانش بيعرف يقرأ ويكتب.....

* لكل حرف في أي لغة صوت الصوت دة مكتوب رمزة في القاموس لكن يفيد بإيه لو أنا مسمعتش ( هل هعرف الصوت دة اية؟؟؟؟؟ ) اظن السؤال مجاوب نفسه. وبرضه من وجهة نظري إن مينفعش الإنسان يقول علي نفسه كويس في اللغة وهو مش بيعرف ينطق؟؟؟؟؟؟! دة يبقي فاضلة أكتر من 80 % من أصل اللغة....لأن لغة التحدث أهم من لغة الكتابة وإن كانت لغة الكتابة مهمة في بعض الأحيان.....

* القاموس موجود فيه الكلمة و معناها و نطق البريطانية و الأمريكية مفيد بس لازم النطق........ عندي لكم موقع انشاء الله تستفيدو منه http://www.thefreedictionary.com/

والقاموس دة موجود في المواقع يا ريت الناس تحمله لأنه بجد مفيد وممتع Cambridge Advanced Learner's

يا رب أكون فيدتكم بحاجة لو علي الأقل بسيطة ومعلش بقي استحملوني علي قدي lol!

وطول ما Mr. Zizo معاك......ارمي اللهم ورا ظهرك lol!

عضو المساهمات : 104 تاريخ التسجيل : 14/03/2009

شكرا يا مستر عبد العزيز وننتظر المزيد

مشكور الاستاذ الكبير على توضيحه لأمور كثيرة في هذا الصدد

عضو المساهمات : 53 تاريخ التسجيل : 04/03/2009

دة القاموس بس مش هينفع أحطة ناطق عشان المساحة -هو موجود علي المواقع ممكن تنزله ناطق - أما هذا لرابط للقاموس الكتابيCambridge Advanced Learner's

مشكووووووووووووووور جدا
وجاري التحميل

يا سلااااااااااااااااااااااااااام على الشغل الجاااااااااااااااااااامد

اية الجمال دة يا رجالة

انتظر السؤال القادم يا برنس
وعارف انك قده وزيادة
بس نستفيد ونفيد

عضو المساهمات : 53 تاريخ التسجيل : 04/03/2009

أنا موجود هنا عشان أفيدكم بإذن الله وبرضه استفيد وانشاء الله أكون بفيدكم زي ما انتم عاوزين.....ومستنيك يا أ / حاتم ومستني أسئلتك الجامدة اللي بتفكرني بشبابي

طلب خاص مقدم الي العضو المحترم أ / عبد العزيز
نرجوا من سيادتكم التكرم باعطاء معلومات كافية عن قسم الفوناتكس
والذي اعتقد انه ينمي ملكة السمع والنطق معا عند المتلقي
وكذا له علاقة بمخارج الحروف وسلاسة التحدث
فارجوا التعليق والافادة على هذا الامر
........وشكرا ........