اولا.. وحشتوني بجد ...
ثانيا .. بشكر العضوة الجميلة // ميرو ,, وعلى رقتها في تعبيرها ووصفها لكتاباتي واتمنى اسمع ردودها على طول ,,,فلها جزيل الشكر
ثالثا :،،،،،،،،، عاوز اقولكم على موضوع حدث بالفعل ،، العادي بتاعه تلاقي نفسك متضايق متأثر مخنوق و في الأخر ممكن يبكيك.
كويس ؟؟؟ طب المش عادي بتاعه ايه ؟؟؟ انك تتأثر لدرجة كبييييييييرة اوووي ممكن توصلك تبكي وتضحك في نفس الوقت
ماتستغربش هافهمك ,,, بص يا سيدى ,,استاذ هادي دة ,, رجل طيب ودود حنين مسالم وصاحب صاحبه
بيحب كل الناس حتى اللي مش ناس ,,, بيحب كل الطير حتى لو راح للغير,,, يعني يا سادة يا كرام استاذ هادي دة نموذج
من البني ادم اللي كان بيتقال له روح ربنا يحبب فيك خلفه ؟؟ هايل ,, أمال ايه اللي خلى هادي مش هادي وكيل الحقد والغل
عنده بقى شئ عادي وبقى يكره كل الناس ,,,اللي عارفهم , , واللي كاتبهم عنده في الكراس ,,حتى الطير عنده تحت الفاس
ياااااااه !!!! للدرجة دى ياعم هادي قام رد وقال ,,انا كنت اعرف ناس عامل لهم خدي مداس ولما القرش غلب بقيت منداس
دول 25 سنة عمر الصداقة والأخوة والدنيا الحلوة اللذيذة عايشين حابين بعض بيخافوا عل بعض يعني ربع قرن من الزمان
ياخوانا دة اللي بيعرف واحد من اربع ولا خمس سنيين يقولك ..داحنا عشرة عمر ياعالم ازاي يعمل كدة ازاى يخون ؟؟؟؟؟؟
وازاى وازاى ؟؟؟ طب بتوع الربع قرن دول عملوا ايه في صاحبهم هادي ... بالظبط كدة باعوه بالرخيص بعد ما شوهوا
صورته ولونوها بالوان الزيف والخداع وكل دة لمصالح شخصية ومادية ,, بقى الجنيه عندهم اغلي من نور العين .......
ههههههه !! عشان كدة بقت جيوبهم دفيانة بس قلوبهم عميانة نفسي اكسب نفسي مرة من الدنيا الخسرانة ...
وان كان في العمر بقية ,,,هانكمل المرة الجاية ،،،،،،،،،،،،،،،،،،،،،،،،،،،،،،حاتم علي،،،،،،،،،،
الأربعاء مارس 11, 2009 7:51 am
