نداء الي كل الاعضاء المنتدي مش كرسي فاضي بكتب اسمي عليه وماحدش يقعد الرجاء الدخول

نداء الي كل الاعضاء اللي بتفهم وعندها وعي يا شباب المنتدي مش ملك لشخص معين والمتعارف عليه في اي منتدي ان كل موضوع له وقت محدد وبعدين بيرفع يعني يحذف لازم نفهم النقطة دي !! احنا عدد المشتر كين والمتصفحين بيزيد يا شباب وعدد المساهمات وصل ل 300 مساهمة !! ومساحة المنتدي مش كبيرة يا جماااعة لازم بردو نفهم النتقطة دي بردو يعني مش كل واحد يحط موضوع عايزه يفضل لحد ما يموت واولاده يشوفوه!!! دة كلام عاقلين ؟؟؟؟
انا حذفت مواضيع اغلبيه المشتركين قرئوها وبقالها اكتر من اسبوعين بما فيها مواضيع ليا انا شخصيا!!
والناس اللي اتحذفت لها مواضيع اصلا ناس نشيطة جدا وعارف كدة وعارف بردو ان لما يتحذف لها موضوع يتحذف هتمدنا بمواضيع تانية شيقة مجميلة وحلوة خاصة احمد سيد وعمرو محمد و mero . يا جماعة في ناس من برة دخلت وشافت المنتدي وسمعتنا كلام مش ظريف واتكلموا ان في فعلا بعض المواضيع الهايفة التي لا تتناسب مع مركز تعليمي في حجم النذير.

لما كل واحد عايز موضوعه ما يتحذفش كدة المنتدي هيقفل بعد اسبوع ومش هيكون في مساحة كافية لغيرك بل لك انتم كمان عشان تضيفو مشاركات جديدة وانا عارف انكم مش ناس انانية صح ولا ايه ؟
وهقول لكم تاني يا شباب افهموا يعني ايه منتدي !!!!!
اعتبرو المواضيع اللي اتحذفت دي عبارة عن جريدة اعدادها خلصت واتباعت وعجبت الناس خلاص يبقى ننشط عشان ننزل عدد جديد وعدد احسن واحسن مش كدة بردو يا شباب ولا ايه ؟؟

ارجو تنفيذ تعليمات الادارة يا جماعة يا ريت مش كل شوية الاقي تذمر وزعل بدون داعي

احنا عاملين المنتدي دة وبنضيع من مجهود ووقت عشان الاعضاء تنبسط مش تزعل

يا مستر عبد العزيز !!
رجاء خلي دايما كلامك موجهه ليا انا في موضوع الحذف دة مالكش دعوة بالمشرفين
دى حاجة تقديرية ليا انا فقط وانا بعمل اللي شايفه من مصلحة المنتدي والمركز التعليمي اللي كنو بنفخر بانتسابنا له...

صح يا مستر ولازم كمان من دلوقتى نهتم بالمنتديات التعليمة شوية لاننا فعلا كلنا بنضيف اغلب المواضيع ف القسم العام والاهدئات وانشاء الله هنبداْ نضيف ف الاقسام التعليمية

الله ينور عليك يا احمد وانا مش ضد الموضوعات الخفيفة بس ما تكون في المنتدي العام
وفي انتظار جديدك ولكل اللي بيفهم !!! انا ما حذفتس ولا حلقة من حلقات المفتش خرومبو رغم انهم تلاته عارفين ليه ؟؟؟؟ لان بجد الحلقات بتورينا ابداع طالب من طلاب المركز عنده حس قصصي وادبي وكوميدي رائع
ارجو بلاش نعمل زي كدابين الزفه ونزييط علي الفاضي ونعرف الجد والهزل

ههههههه شكرا يامسيو وانا اهوة عمال اضيف ف المنتديات التعليمية

بس يامسيو مستر حاتم مسح الحلقة بيقول علشان اللهجة انت شايف ان فيها حاجة ولو فيها حاجة ياريت ترد عليا ولو فيها حاجة خلاص مش حط حلقات منها تانى

يا احمد انا عايزك تكمل حلقات خرومبو دي بس ارجوك حاول الالفاظ تكون شوية فوق مستوى الشبهه ممكن تراجعها تاني يا احمد انت وعمرو ؟؟ وغيرو اي لفظ شايفينه وحش اوك؟

واوعدك واوعد باقي الاعضاء بعدم حذف اي مساهمة فعالة ومفيدة ومنتظر جديدك يا احمد

اوكى يا مسيو ان شاء الله هحاول احسن الالفاظ شوية

فعلا يا مسيو انت عندك حق بس المشكلة فى ان كل واحد مننا حابب اللى عمله واحنا شايفين المنتدى بيكبر امام اعيننا
ويا ريت يكون فى قسم للصف الاول الثانوى
وبعدين انا ضد ان احنا نضع مواضعنا فى الاقسام التعليمية
لان المفروض ان استاذ المادة يضع الدروس الهامة
والطلبة يضعوا الاسئلة المفيدة فى المنهج
وده اللى عايزين نعملوا فى قسم اولى ثانوى
يعنى القسم هيكون تعليمى فقط
واتمنى انشاؤه فى اسرع وقت
وشكراااااا يا مسيو انك بتسمع رغبتنا
وفى انتظار رد حضرتك

انا يا مسيو هساهم فى الموضوعات التعليمية
وهعيد الحلقة بتاعت المفتش خرومبو انا واحمد

تماااااااااااااااااااااااااااام طبعا

اشكرم يامسيو على اهتمامك الرائع بابنائك ووقتهم

هو دة طبيعة شغلنا الحرية بالاضافة للرقابة

اكيد يا مستر وشكرا على اهتمامكم